عمران خان نے بھارت کولوں میچ ہار ن دی وجہ دس دتی

عمران خان نے بھارت کولوں میچ ہار ن دی وجہ دس دتی

اسلام آباد(پاکستان پوائنٹ نیوز23۔مارچ2017ء) قومی ٹیم دے سابق کپتان عمران خان نے پچھلے اک دہاکے وچ بھارت کولوں پاکستان دے میچ ہارن دی وڈی وجہ دس دِتی۔ تفصیل دے مطابق اک نجی ٹی وی ولوں پاکستان دے ورلڈ کپ 1992دی جت دے 25سال پورے ہون اُتے اک اُچیچے پروگرام دا آہر کیتا گیا۔ پروگرام وچ عمران خان دا کہنا سی کہ تُسیں کسے ٹیم کولوں جِتدے نیں بلکہ اوہ تہاڈے کولوں ہاردی اے کیونکہ تُسیں اوہدے اُتے ذہنی طور اُتے اینا دباءپا دیندے او کہ اوہ ٹیم غلطیاں کردی اے۔

اوہناں دا کہنا سی کہ جدوں اسیں 1997وچ بھارت خلاف اوہناں دے ہوم گراﺅنڈ وچ اوہناں دے ای امپائرز دے ہوندے ہوئے سریزجتی سی تے اوہدی وجہ ایہ نہیں سی کہ اوہناں دے کھڈاری کمزور سن بلکہ اوہدی وڈی وجہ ایہ سی کہ اسیں ذہنی طور اُتے اوہناں توں مضبوط ساں۔ اوہناں دا ہور کہنا سی کہ جدوں میں بھارت تے پاکستان دے میچ ویکھنا واں تے مینوں بھارتی کھڈاری پاکستانی کھڈاریاں توں بُہتے ذہنی طور اُتے مضبوط نظر آﺅندے نیں۔ اوہناں دا کہنا سی کہ اسیں ذہنی طور اُتے ای اوہناں کولوں میچ ہار جانے آں۔