شاہد آفریدی دی کور کمانڈر پشاور نال ملاقات

پشاور(پاکستان پوائنٹ نیوز22۔مارچ2017ء) پاکستان ٹی ٹونٹی کرکٹ ٹیم دے سابق کپتان شاہد آفریدی نے کور کمانڈر پشاور لیفٹیننٹ جنرل نذیر بٹ نال ملاقات کیتی اے۔ تفصیل دے مطابق سماجی رابطے دی ویب سائٹ ٹوئٹر اُتے شاہد آفریدی دا اپنے پیغام وچ کہنا سی کہ اج کور کمانڈر پشاور نال ملاقات ہوئی، ملاقات دوران وادی تیرہ اندر صحت مند سرگرمیاں راہیں نشے دی لعنت نوں ختم کرن اُتے اتفاق کیتا گیا۔ ایس توں پہلے مشہور کھڈاری نے کوہاٹ وچ ’آغوش الخدمت کوہاٹ فاﺅنڈیشن‘ نوں 50لکھ رُپئے عطیہ دین دے موقعے اُتے آکھیا کہ مینوں ایس گل اُتے فخر اے کہ میں ایس عظیم مقصد وچ حصہ پان لئی ایتھے موجود آں۔