راولپنڈی(پاکستان پوائنٹ نیوز21۔مارچ2017ء) قومی ٹیم دے کھڈاریاں نوں جواری بنان والی ویب سائٹ ساہمنے آ گئی۔ پاکستان دے سارے وڈے جواری اوسے ویب سائٹ راہیں جوا ءکراندے نیں۔ پاکستان سپورٹس دے ناں توں ویب سائٹ اُتے قومی جھنڈے تے نقشے دی وی توہین کیتی گئی اے، پاکستان دے سارے وڈے جواری اوسے ویب سائٹ راہیں جواءکراندے نیں، وسیلیاں دا کہنا اے کہ ایف آئی اے نے ذکر کیتی گئی ویب سائٹ نوں بند کرن لئی سِر جوڑ لئے نیں۔
کرکٹ دے جوئے دی ویب سائٹ 2015توں جواریاں تے کھڈاریاں وچکار رابطے دا بہترین ذریعہ اے، ویب سائٹ راہیں پاکستانی رُپئے دنیا دی کسے وی کرنسی وچ بدلے جا سکدے نیں جدکہ ویب سائٹ اُتے پیسیاں دے لین دین لئی کریڈٹ کارڈ ورتیا جاندا اے۔ چیتے رہوے گی کہ پچھلے دیہاڑے وزیر داخلا نے اعلا سطح اجلاس وچ پی ٹی اے حکام نوں کرکٹ وچ جواءلان تے اوہنوں ودھوتری دین والیاں ساریاں سائیڈاں بند کرن دے حوالے نال ہدایتاں دِتیاں سن۔
