لاہور(پاکستان پوائنٹ نیوز09۔مارچ2017ء) چیئرمین پاکستان کرکٹ بورڈ شہریار خان، چیئرمین پاکستان سپر لیگ نجم سیٹھی تے پی ایس ایل فائنل دی ہور انتظامیا نے لاہور وچ کامیاب فائنل کروان اُتے وزیر اعلا پنجاب میاں شہباز دے ایس اقدام نوں خراج تحسین پیش کیتا۔ چیئرمین پاکستان کرکٹ بورڈ شہریار خان نے آکھیاکہ وزیر اعلا پنجاب نے حقیقی لیڈر ہون دا کردار ادا کیتا اے تے اوہناں دی قیادت وچ پوری ٹیم نے بہترین کم کر کے فائنل میچ نوں کامیاب بنایا اے، وزیر اعلا شہباز شریف نے لاہور وچ فائنل میچ کروا کے بورلڈ کم کیتا تے ایہ فیصلا شہباز شریف ورگانڈر لیڈر ای کر سکدا سی۔
اوہناں دا کہنا سی کہ شہباز شریف دے ایس اقدام نال قوم نوں حوصلا ملیا اے، اسیں وزیر اعلا دے شکر گزار آں۔ چیئرمین پاکستان سپر لیگ نجم سیٹھی نے آکھیا کہ پنجاب حکومت نے وزیر اعلا پنجاب شہباز شریف دی قیادت وچ بڑی محنت نال دن رات کم کر کے غیر معمولی کامیابی حاصل کیتی تے اک نویں تاریخ لکھی۔ اوہناں نے آکھیا کہ لاہور وچ فائنل میچ دا ہونا اک تواریخی لمحہ سی۔ اوہناں دا کہنا سی کہ ایہدے وچ کوئی شک نہیں کہ اوہدا کریڈٹ وزیر اعلا پنجاب میاں شہباز دی قیادت وچ اوہناں دی ٹیم نوں جاندا اے۔
