لاہور(پاکستان پوائنٹ نیوز09۔مارچ2017ء) پاکستان کرکٹ بورڈ نے دورا ویسٹ انڈیز وچ ون ڈے تے ٹی ٹونٹی سیریز لئی 31کھڈاریاں دے ناواں دا اعلان کر دِتا، کامران اکمل تے احمد شہزاد نوں محنت دا پھل مل گیا۔ تفصیل دے مطابق چیف سلیکٹر انضمام الحق دی قیادت ہیٹھ کم کرن والی سلیکشن کمیٹی نے 31کھڈاریاں دے ناواں دا اعلان کیتااے جو 11توں 7مارچ دے دوران قذافی سٹیڈیم وچ ٹریننگ کیمپ دا حصہ ہون گے۔
اعلان کیتے گئے کھڈاریاں وچ پاکستان سپر لیگ وچ شاندار کاکردگی وکھان والے کامران اکمل، احمد شہزاد، اسامہ میر، شاداب خان، فخر زمان، بابر اعظم، عثمان خان شنواری، محمد حفیظ، اظہر علی، شان مسعود، شعیب ملک، عمر اکمل، سعد علی، آصف ذاکر، سرفراز احمد، عماد وسیم، فہیم اشرف، محمد عامر، عماد بٹ، حسن علی، وہاب ریاض، سہیل خان، محمد نواز، حسین طلعت، راحت علی، رومان رئیس، سہیل تنویر، محمد عباس، جنید خان، محمد اصغر تے یاسر شاہ شامل نیں۔چیتے رہوے کہ قومی ٹیم دورا ویسٹ انڈیز دوران 4ٹی ٹونٹی، تن ون ڈے تے تن ٹیسٹ میچاں دی سیریز کھیڈے گی۔
