لاہور(پاکستان پوائنٹ نیوز04۔مارچ2017ء) کوئٹہ گلیڈی ایٹرز دے ہیڈ کوچ معین خان نے پاکستان سپر لیگ دا فائنل لاہور وچ کروان اُتے تنقید کرن والے سابق کپتان عمران خان دا ناں لِتے بغیر اوہناں نوں کھریاں کھریاں سُنا دِتیاں۔ تفصیل دے مطابق نجی ٹی وی چینل نال گل بات کردے ہوئے معین خان دا کہنا سی کہ ساڈے سابق کرکٹرز ولوں پاکستان سپر لیگ دا فائنل لاہور وچ کروان خلاف بیان ساہمنے آ رہے نیں جہناں نوں سُن کے دُکھ ہویا، اوہناں ولوں فائنل لاہور وچ کروان دی مخالفت کرنا غلط اے، ایس موقعے اُتے پوری ٹیم تے کرکٹرز نوں اکٹھا ہونا چاہیدا تے کسے دا کوئی ذاتی یاں سیاسی ایجنڈا نہیں ہونا چاہیدا۔
معین خان دا ہور کہنا سی کہ پی ایس ایل دے انعقاد اُتے پوری قوم اکٹھی اے، ملک وچ کرکٹ دی بحالی لئی ایہ اک چنگا قدم اے۔
