میرے ناں دے انکلوژر دا ٹکٹ فری کیتا جائے: عمران خان

اسلام آباد(پاکستان پوائنٹ نیوز04۔مارچ2017ء) پاکستان تحریک انصاف دے سربراہ عمران خان نے اپنی خاہش دا وکھالا کردے ہوئے آکھیا اے کہ اوہناں دے انکلوژر دا ٹکٹ فری کیتا جائے۔ تفصیل دے مطابق اپنے اک بیان وچ عمران خان دا کہنا سی کہ اینے چِر مگروں پاکستان وچ کرکٹ پرتی اے تے 12،12ہزار رُپئے دا ٹکٹ ویچنا کرکٹ دے دیوانیاں نال زیادتی اے۔ دوجے پاسے پی ٹی آئی دے ترجمان فواد چودھری نے آکھیا کہ پی ایس ایل نوں ایلیٹ دا ایونٹ بنا دِتا گیا اے۔ یاد رہوے کہ لاہور وچ قذافی سٹیڈیم اندر فائنل دے فیصلے نوں عمران خان پاگل پن قرار دے چکے نیں۔