آئی پی ایل نیلامی ٹیسٹ کرکٹ دے مونہ اُتے چپیڑ اے: کیون پیٹرسن

شارجہ(پاکستان پوائنٹ نیوز22۔فروری2017ء) انگلینڈ دے سابق کھڈاری کیون پیٹرسن نے آئی پی ایل نیلامی نوں ٹیسٹ کرکٹ دے مونہ اُتے چپیڑ قرار دے دِتا اے۔ ایس نیلامی وچ انگلینڈ دے بین سٹوکس تے ٹیمل ملز نوں 1.7ملین پاﺅنڈ تے 1.4ملین پاﺅنڈ وچ ترتیب وار رائزنگ پونے سپر جائنٹس تے رائل چینلجرز بنگلور نے مُل لیا سی۔ دلچسپ گل ایہ اے کہ فاسٹ باﺅلرملز لَک وچ پیڑ پاروں صرف ٹونٹی 20کرکٹ ای کھیڈدے نیں۔ کیون پیٹرسن نے آکھیا کہ اک ٹونٹی 20سپیشلسٹ انگلینڈ دی موجودا ٹیم دا سبھ توں امیر ترین کرکٹر بن گیا، ٹیسٹ کرکٹ پچھانہ چلی گئی اے، آئی سی سی نوں ایہنوں بچان لئی فوری طور اُتے ساہمنے آن دی لوڑ اے۔