شارجہ(پاکستان پوائنٹ نیوز18۔فروری2017ء) ملک اندر دہشت گردی دی حالیہ لہر مگروں وی پاکستان سپر لیگ (پی ایس ایل) دے دوجے ایڈیشن دا فائنل لاہور وچ کرائے جان دا ڈاڈھا امکان اے۔ تفصیل دے مطابق سکیورٹی اداریاں دی پچھلے دیہاڑے لاہور وچ کارروائی دوران اہم کامیابیاں مگروں پاکستان سپر لیگ دا فائنل لاہور وچ ای کروائے جان دا امکان اے تے پولیس نوں ایس اہم مقابلے لئی سکیورٹی تے ہور معاملات بارے مکمل رپورٹ تیار کرن تے روٹس وغیرا نوں مانیٹر کرن دا ٹاسک دے دِتا گیا اے۔
پی سی بی حکام دے مطابق غیر ملکی کھڈاریاں نوں 22فروری تک فائنل لئی اپنی دستیابی بارے آگاہ کرن دا آکھیا گیا اے پر اجے تک کسے وی کھڈاری نے اپنی دستیابی بارے نہیں دسیا۔ انتظامیا نے پی ایس ایل دے فائنل دی تاریخ وی بدلن اُتے غور شروع کر دِتا اے تے آکھیا جا رہیا اے کہ فائنل میچ 5مارچ دی بجائے 7مارچ نوں کران لئی غور کیتا جا رہیا اے۔
