الیکشن فکسر کرکٹ وچ فکسنگ دے خاتمے دی گل کر رہیا اے:عمران خان

لاہور(پاکستان پوائنٹ نیوز11۔فروری2017ء) پاکستان سپر لیگ وچ سپاٹ فکسنگ دا سکینڈل ساہمنے آن مگروں سابق کپتان عمران خان پی ایس ایل دے چیئرمین نجم سیٹھی خلاف بول پئے۔ سماجی رابطے دی ویب سائٹ ٹویٹر اُتے اپنے پیغام وچ عمران خان دا کہنا سی کہ الیکشن فکسر کرکٹ وچ فکسنگ دے خاتمے دی گل کر رہیا اے، سپاٹ فکسنگ تے صرف کرکٹ نوں نقصان پہنچاندی اے پر الیکشن فکسنگ نال ملک دی جمہوریت نوں خطرے لاحق ہو جاندے نیں۔