کرن جوہر دی ہڈ ورتی وچ ہم جنسی پرستی دا ذکر: انڈیا وچ نویں بحث چھڑ پئی

ممبئی(پاکستان پوائنٹ نیوز23۔جنوری2017ء) بالی ووڈ دے ہدایت کار و ٹی وی ٹاک شو دے مجمان کرن جوہر دی ہڈ ورتی وچ ہم جنس پرستی دے ذکر مگروں انڈیا وچ اک نویں بحث چھڑ پئی۔ تفصیل دے مطابق کرن جوہر نے اپنی کتاب وچ لکھیا اے کہ سارے جاندے نیں کہ میرا جنسی رجحان کیہ اے، مینوں ایہ دَسن لئی چیکن دی لوڑ نہیں، جے مینوں اوہدا ناں لینا پیا تے میں اوہدا ناں صرف ایس لئی نہیں لے سکدا کہ مینوں ایس ملک وچ اوہدی وجہ توں شاید قید ہو جائے۔ ایس لئی میں کرن جوہر اوہناں تن اکھراں والے لفظ دا ذکر نہیں کر سکدا پر ممکن اے کہ میرے بارے سارے جاندے نیں۔ اوہناں دی ہڈورتی دا ناں ’این ان سوٹیبل بوائے‘ یعنی ’غیر موزوں مُنڈاں‘ اے۔