ذوالقرنین حیدر نے (ن) لیگ کلچرونگ نوں فعال بنان لئی سرگرمیاں شروع کر دِتیاں

ذوالقرنین حیدر نے (ن) لیگ کلچرونگ نوں فعال بنان لئی سرگرمیاں شروع کر دِتیاں

لاہور(پاکستان پوائنٹ نیوز14۔جنوری2017ء) سینئر اداکار ذوالقرنین حیدر نے مسلم لیگ (ن) کلچر ونگ نوں فعال بنان لئی سرگرمیاں شروع کر دِتیاں۔ تفصیل دے مطابق مسلم لیگ (ن) کلچر ونگ پنجاب دے سینئر نائب صدر اداکار ذوالقرنین نے پنجاب کلچر ونگ دی صدر مسز ملک نال رلکے پیپلز پارٹی کلچر ونگ دے مقابلے وچ اپنیاں سرگرمیاں دا سلسلا شروع کرن دا فیصلا کیتا اے۔

ایس حوالے نال کل (پیر) مسز ملک دی صدارت ہیٹھ اک اہم اجلاس ہووے گا جہدے وچ (ن) لیگ کلچر ونگ نوں پنجاب بھر وچ فعال بنان لئی حکمت عملی طے کیتی جائے گی۔ ایس توں پہلے ذوالقرنین حیدر مسلم لیگ(ن) کلچر ونگ دے پروگراماں تے ممبر شپ لئی پنجاب بھر دا دورا کر چکے نیں ،اوہ ایس دورے دے حوالے نال اجلاس دے رلتیاں نوں بریفنگ وی دین گے۔ امید کیتی جا رہی اے کہ مسلم لیگ (ن) کلچر ونگ پنجاب دے آہر ہیٹھ فروری توں کلچر بارے شوز تے ہور پروگراماں دا سلسلا الحمراءتوں شروع کیتا جائے گا۔