شوبز چھڈن تے دوبارا ڈھابا سنبھالن دی خبر جعلی اے

ارشد خان چاہ والے نے پہلی وار غصے وچ فیس بک اُتے پوسٹ کر دِتی

شوبز چھڈن تے دوبارا ڈھابا سنبھالن دی خبر جعلی اے
ارشد خان چاہ والے نے پہلی وار غصے وچ فیس بک اُتے پوسٹ کر دِتی

اسلام آباد(پاکستان پوائنٹ نیوز06۔جنوری2017ء) پاکستانی گلوکارا و اداکار مسکان جے نال فوٹو شوٹ مگروں ارشد خان دے گھر والیاں نے خفگی دا اظہار کیتا سی جہدے بعد ار شد خان چاہ والے دے شوبز نوں چھڈن دیاں خبراں گرم ہوگئیاں پر ہن چاہ والا میدان وچ آ گیا تے شوبز چھڈن دیاں خبراں نوں رَد کر دِتا۔ تفصیل دے مطابق خبراں سن کہ مسکان جے نال فوٹو شوٹ دے بعد ارشد خان دی فیملی خفا ہو گئی تے چاہ والے اُتے انٹرٹینمنٹ دی دنیا توںدور رہن لئی دباءپایا۔

جہدے بعد ارشد خان نے شوبز چھڈن دا فیصلا کیتا تے دوبارا پرانے ڈھابے اُتے ای چاہ ویچن دا فیصلا کیتا اے پر ارشد خان دے منیجر عبداللہ دا کہنا سی کہ سوشل میڈیا توں مشہور ہون والا سٹار جرنلزم دی دنیا وچ پیر رکھنا چاہندا اے کیوں جے تفریح نال جُڑےا ایہ واحد کم اے جو اوہدی فیملی لئی قبول جوگ اے ۔ دوجے پاسے شوبز چھڈن دیاں خبراں ساہمنے آن دے بعد ارشد خان عرف چاہ والے نے اپنے فیس بک پیج اُتے لکھیا کہ شوبز چھڈن تے دوبارا ڈھابے نوں سنبھالن دی خبر جعلی اے۔