لاہور(پاکستان پوائنٹ نیوز30۔دسمبر2016ء) ڈاکٹراں نے پیسے نہ ہون دی وجہ توں اداکار افتخار قیصر دے علاج توں انکار کر دِتا۔ میڈیا رپورٹ دے مطابق اپنیاں فنکارانا صلاحتاں نال لوکاں دے دل موہ لین والے افتخار قیصر فن دے عروج اُتے سن تے ہر کوئی اوہناں دے گیت گاندا سی پر روگ لگ جان دے بعد سارے ساتھ چھڈ گئے۔ ہندکو مزاحیہ خاکیاں تے ’اب میں بولوں کہ نہ بولوں‘ توں شہرت حاصل کرن والے افتخار قیصر نوں پشاور دی شان آکھیا جاندا اے۔
میڈیا رپورٹ دے مطابق افتخار قیصر پچھلے کئی مہینیاں توں بیمار نیں، بیماری دی شدت تے کمزوری پاروں افتخار قیصر بسترے نال جا لگے نیں۔ کجھ دن پہلے طبیعت خراب ہون اُتے اوہناں نوں ہسپتال لیجایا گیا پر دواواں تے ٹیسٹیاں دے پیسے نہ ہون دی وجہ توں ڈاکٹراں نے اوہناں دا اعلاج کرن توں انکار کر دِتا۔
