وقار ذکا دا کراچی ائر پورٹ اندرا سلحا لیجان دا دعوا

کراچی(پاکستان پوائنٹ نیوز29۔دسمبر2016ء) پاکستان دے مشہور اداکار تے میزبان وقار ذکا اکثر اپنیاں گلاں تے اپنے مزاج دی وجہ توںخبراں دی زینت بنے رہندے نیں۔ پچھلے دِنا ای وقار ذکا نے کراچی ائر پورٹ وچ اسلحے سنے وڑن دا دعوا کر دِتا۔ تفصیل دے مطابق سوشل میڈیا اُتے جاری اک ویڈیو وچ وقار ذکا نے دسیا کہ میرے نال میرا اک بیلی موجود اے جہدے کول اوہدا لائسنس والا اسلحا اے۔ کجھ چِر بعد اوہناں نے ویڈیو وچ وکھایا کہ اسیں جناح ائر پورٹ دے باہر کھلوتے آں تے سکیورٹی والےاں سانوں نہ صرف ائر پورٹ اندر جان توں ڈکیا بلکہ ساڈی گڈی نوں کلیئر کر کے لنگھا دِتا۔ وقار ذکا دا کہنا سی کہ ماضی وچ کراچی ائر پورٹ اُتے ہوئے اینے وڈے حملے دے بعد وی ائر پورٹ اُتے سکیورٹی دا ایہ حال اے کہ کوئی وی اسلحا لے کے اندر وڑ سکدا اے۔ وقار ذکا نے اپنی ویڈیو وچ ہور آکھیا کہ ایہ وکھان دا مقصد ائر پورٹ یاں سکیورٹی انتظامیا دی بے عزتی کرنا نہیں بلکہ ایہ احساس دوانا اے کہ اینی ناقص سکیورٹی دی وجہ توں کوئی وی وڈا نقصان ہو سکدا اے۔ وقار ذکا دی ایہ ویڈیو تُسیں وی ویکھو!