ابھیشک بچن تے کرشمہ کپور دا ویاہ ہوندا، ہوندا رہ گیا

ممبئی(پاکستان پوائنٹ نیوز27۔دسمبر2016ء) بالی ووڈ نگری وچ کئی جوڑیاں بندیاں تے ٹُٹدیاں نیں، ایس طرحاں ای کُجھ ابھیشک بچن نال ہویا جو سابق مس ورلڈ ایشوریا رائے توں پہلے اک ہور اداکارا نال ویاہ کردے کردے رہ گئے۔تفصیل دے مطابق دِلی دے تاجر سنجے کپور توں طلاق لین دے بعد کرشمہ کپور دی نویں دوست سندیپ توشنیوال نال ملاقاتاں ودھن دیاں خبراں عام نیں پر بہت گھٹ لوک جاندے نیں کہ سنجے کپور نال ویاہ کرن توں پہلے کرینہ کپور دی بھین تے سابق اداکارا کرشمہ کپور دی ابھیشک بچن نال منگنی ہوئی سی جدکہ ویاہ دیاں تیاریاں جاری سن پر فیر اک ویلا ایس طرحاں دا آیا کہ دوواں نے سبھ توں زیادا میڈیا وچ بحث رہن والی منگنی توڑ دِتی، ابھیشک بچن ہُن سابق مس ورلڈ ایشوریا رائے نال ویاہ کرچکے نیں جہناں دا اک بال وی اے۔