لاہور(پاکستان پوائنٹ نیوز09۔دسمبر2016ء) لاہور وچ فائرنگ نال ہلاک ہون والی سٹیج اداکارا قسمت بیگ دے 3قاتلاں نوں پولیس نے گرفتار کر لیا، پولیس دے مطابق رانا مزمل نامی بندے دے آکھن اُتے اداکارا نوں 23نومبر نوں فائرنگ کر کے قتل کیتا گیا سی۔تفصیل دے مطابق قسمت بیگ نوں 3نامعلوم ملزماں نے 23نومبر دی سویر اوہناں دے گھر دے باہر فائرنگ دا نشانا بنایا سی،فائرنگ دے نتیجے وچ وچ اوہ ڈاڈھیاں زخمی ہو گئیاں سن پر بعد وچ ڈاڈھے زخماں پاروں اوہ ہسپتال وچ فوت ہو گئیاں ۔
اک سینئر پولیس عہدیدار دے مطابق رانا مزمل نامی بندے نے رضوان، رحمن تے اعظم ہتھوں قسمت بیگ دا قتل کروان دا اعتراف کر لیا، جہنوں پچھلے دیہاڑے گوجرنوالا توں گرفتار کیتا گیا۔ رانا مزمل نے ایس گل دا وی اعتراف کیتا کہ اوہنے قسمت بیگ نوں ایس لئی قتل کروایا کہ اوہ اوہناں دے ڈرامے وچ پرفارم کرن توں انکار کرن دے نال اوہناںدے پیسے وی نہیں دے رہی سی۔ اک ہور تفتیش کار دے مطابق رانا مزمل نے دبئی جا کے ایہناں کرائے دے قاتلاں نال گل بات طے کیتی جدکہ ایس کیس دے حوالے نال 40تھیٹر اداکاراں توں وی تفتیش کیتی گئی۔
