قسمت بیگ نوں قتل نہیں زخمی کرن لئی جرائم پیشہ بندیاں نوں 5لکھ دِتا: ملزم دا اعتراف

لاہور(پاکستان پوائنٹ نیوز03۔دسمبر2016ء) اداکارا قسمت بیگ دے قتل کیس دے مرکزی ملزم نے قتل کروان دا اعتراف کردے ہوئے آکھیا اے کہ قسمت بیگ نوں قتل نہیں زخمی کرن لئی جرائم پیشا بندیاں نوں 5لکھ دِتا پر ڈاڈھی زخمی ہو جان پاروں اوہدی موت ہوگئی۔ پولیس دے مطابق جمعے دے دیہاڑے ملزم رانا مزمل نے پولیس نوں دِتے جان والے بیان وچ قتل دا اعتراف کردے ہوئے آکھیا کہ میں قسمت بیگ نوں اپنے کارندیاں دے ذریعے فیصل آباد وچ ڈرامہ کرن دی پیشکش کیتی پر قسمت بیگ نے میرے آکھن دے مگروں وی ڈرامہ کرن توں انکار کر دِتا، جہدی وجہ توں میں اوہنوں نشانا بنان تے اوہنوں سبق سکھان دا فیصلا کیتا پر میں جہڑے بندیاں دے ذریعے قسمت بیگ اُتے فائرنگ کروائی ، اوہناں نوں قسمت بیگ نوں قتل نہیں زخمی کرن دا 5لکھ دِتا پر فائرنگ پاروں اوہ ڈاڈھی زخمی ہو گئی تے فوت ہو گئی۔