لاہور(پاکستان پوائنٹ نیوز12۔نومبر۔2016ء) اداکارا لائبہ خان نیازی وی ہالی ووڈ سٹار شاہ رخ خان دیاں دیوانیاں نکلیاں۔ گل بات کردے ہوئے اداکارا نے آکھیا کہ شاہ رخ خان ہالی ووڈ وچ میرے سبھ توں پسندیدااداکار نیں، اوہناں دی سبھ توں وڈی خوبی اک بہترین اداکار ہون دے نال نال اک چنگا انسان ہونا اے ۔ اوہناں دا کہنا سی کہ جے اوہ پاکستان وچ ہوندے تے میں کدوں دی اوہناں نال ویاہ کر لیندی۔
اداکارا نے آکھیا کہ اسلام وچ چار ویاہواں دی گنجائش اے جے شاہ رخ خان چاہون تے میں اوہناں نال فوری ویاہ کر لواں گی۔ لائبہ خان دا اک سوال دے جواب وچ کہنا سی کہ شاہ رخ خان عمر وچ جے میرے توں وڈے نیں تے اوہدے نال کوئی فرق نہیں پیندا۔ اوہناں نے آکھیا کہ ایس توں پہلے وی پاکستانی تے بھارتی فنکاراں دے ویاہ ہوندے رہے نیں۔ اوہناں دا کہنا سی کہ جے مینوں بالی ووڈ وچ کم کرن دا موقع ملیا تے میںشاہ رخ ساہمنے ویاہ دی خاہش دا اظہار ضرور کراں گی۔
