بھارت(پاکستان پوائنٹ نیوز12۔نومبر۔2016ء) اک بھارتی ویب سائٹ نے دعوا کیتا اے کہ ایشوریا رائے تے ابھیشک بچن وچکار کسی وی ویلے طلاق ہو سکدی اے کیوں جے نویں فلم ’اے دل ہے مشکل‘ وچ ایشوریا دے بولڈ سین پاروں پوری فیملی بہت ڈسٹرب اے۔ ویب سائٹ دے مطابق جیا بچن نے اپنے پُتر نوں ایس معاملے اُتے راضی کر لیا اے کہ اوہ ایشوریا نوں طلاق دے دیوے، پر امیتابھ ایس گل اُتے راضی نہیں جدکہ ایشوریا نے ایس سلسلے وچ کجھ سینئر فلمی ہدایتکاراں نوں وی شامل کیتا اے جہناں نے جیا بچن نوں سمجھان دی کوشش کیتی اے کہ انج کرن نال سوائے بدنامی دے ہور کجھ نہیں ملے گا پر بیابچن دا کہنا اے کہ جو بدنامی اوہناں نوں ایشوریا تے رنبیر دی فلم پاروں مل چکی اے اوہدے ساہمنے ساریاں بدنامیاں پچھلے رہ گئیاں نیں۔
ویب سائٹ دے مطابق جے ایہ گل نہ سنبھلی تے آن والے مہینے دے آخیرتیک ایشوریا تے ابھیشک وچ طلاق ہو سکدی اے۔
