ممبئی(پاکستان پوائنٹ نیوز11۔نومبر۔2016ء) دپیکا پیڈوکون دا شمار بالی ووڈ دیاں کامیاب اداکاراں وچ ہوندا اے، جو اک دے بعد اک منفرد کردارپاروں چاہیواناں دا دل جتن وچ کامیاب ہوندیاں آ رہیاں نیں۔ ہندوستانی میڈیا دے مطابق ہُن اداکارا اک ایسی فلم بنان رہیاں نیں جہدے وچ اوہناںد ا کردار بڑا انوکھا جہیا ہووے گا جدکہ فلم دیاں ہدایتاںدا کم کامیاب ایرانی ڈائریکٹر ماجد مجیدی انجام دین گے، جہدی شوٹنگ ہندوستان دے مختلف شہراں وچ کیتی جائے گی۔
30ورھیاں دی دپیکا پیڈوکون دے مطابق ایہ فلم رشتیاں اُتے مبنی اک جذباتی کہانی اے۔ ایس توں علاوا دپیکا دی پہلی ہولی ووڈ فلم ”ٹرپل ایکس، دی ریٹرن آف زینڈر کیج، آن والے ورھے جنوری وچ سینمیاں وچ لگے گی جدکہ اداکارا ایس ویلے اپنی اک بولی ووڈ فلم ’پدماوتی‘ دی شوٹن وچ وی رُجھیاں ہوئیاں نیں جہدے وچ اوہناں دے نال رنویر سنگھ تے شاہد کپور مرکزی کرداراں وچ نظر آن گے۔
