وینا ملک نے شوہر نوں تحریک انصاف لئی نواں گیت بنان توں روک دِتا

لاہور(پاکستان پوائنٹ نیوز09۔نومبر۔2016ء) فلمسٹار وینا ملک نے اپنے شوہر اسد خٹک نوں تحریک انصاف لئی نواں گیت بنان توں روکدے ہوئے آکھیا اے کہ جدوں تیک پی ٹی آئی وچ کلچرل ونگ نہیں بندا اسد خٹک کوئی نواں گانا نہیں بنان گے۔ وینا ملک دا کہنا اے کہ جے عمران خان پارٹی وچ کلچرل ونگ بنان وچ راضی ہو جان گے تے فیر اوہ اپنیاں خدمتاں مفت پیش کردے ہوئے پارٹی لئی فری لانس کم کرن گیاں۔ اوہناں دا کہنا سی کہ کلچرل ونگ دی ذمے واری اوہناں نوں دے دِتی جائے تاں جے اوہ ایس بارے معاملات نوں انجام دے سکن۔ وینا ملک نے عمران خان نوں مشورا دِتا کہ اوہ عطااللہ عیسی خیلوی، ابرار الحق، ملکو تے حمزہ علی عباس نوں وی کلچرل ونگ دا حصہ بنان۔