ممبئی(پاکستان پوائنٹ نیوز09۔نومبر۔2016ء) بھارتی اداکارا ایشوریا رائے دی نویں جھیڑوے فوٹو شوت نے ”اے دل ہے مشکل“ دیاں تصویراں نوں پچھے چھڈدے ہوئے سوشل میڈیا اُتے نویں بحث نوں جنم دے دِتا۔ دھی دے جنم دے بعد فلمی دنیا وچ واپس آن والی ہالی ووڈ اداکارا ایشوریا رائے بچن نے کئی فلماں وچ اداکاری دے جوہر وکھائے جدکہ اداکار فلماں وچ اپنے کردار وچ حقیقت دا رنگ بھرن لئی مشہور نیں تے پچھلے دِنا ای کرن جوہر دی فلم ”اے دل ہے مشکل“ وچ رنبیر کپور نال کئی جھیڑوے منظراں پاروں اوہناں نوں ہر پاسیوں تنقید دا ساہمنا کرنا پیا تے سنسر بورڈ نے فلم وچوں رنبیر کپور تے ایشوریا رائے بچن دے اعتراض جوگ منظر وی کڈھ دِتے سن۔
پر ہُن ایشوریا رائے بچن دی ہارپر بازار دے کور پیج اُتے نویں تصویر نے سوشل میڈیا اُتے نویں بحث چھیڑ دِتی تے اوہناں نوں مختلف حلقیاں ولوں تنقید دا نشانا وی بنایا جا رہیا اے ۔ یاد رہوے کہ شادی توں پہلے ایشوریا رائے بچن ایس قسم دے فوٹو شوٹ توں دور ہندیاں سن۔
