لاہور(پاکستان پوائنٹ نیوز08۔نومبر۔2016ء) پاکستانی آل راﺅنڈر شعیب ملک دی بیوی تے بھارتی ٹینس سٹار ثانیہ مرزا دی زندگی تے کیریئر جھیڑیاں تے ایڈونچرز نال بھری ہوئی اے تے اوہناں دے کئی راز شاید ہمیشہ میڈیا تے شائقیناں توں لُکے رہن گے کیوں کے اوہناں نے اپنے بارے فلم بنان توں انکار کر دِتا اے۔ 30ورھیاں دی ثانیہ مرزا دا کہنا سی کہ کئی فلمسازاں نے میری زندگی اُتے فلم بنان لئی میرے نال رابطا کیتا اے پر ایہ ممکن نہیں کیوں جے میں اپنی ہر گل لوکائی ساہمنے نہیں لیانا چاہندی۔
یاد رہوے کہ 2010 وچ ثانیہ مرز دی شادی وی جھیڑوے انداز وچ ہوئی جدوں اک ہور بھارتی کُڑی نے شعیب ملک دی بیوی ہون دا دعوا کر دِتا سی۔ ثانیہ مراز دے نِکے کپڑےاں اُتے وی کئی حلقیاں ولوں تنقید ہوئی جدکہ اوہناں خلاف کئی مقدمے وی درج ہوئے جہناں نوں ختم کرن لئی کیتاں گئیاں کوششاں بارے میڈیا تے لوکائی کُجھ نہیں جاندے تے شاید ثانیہ مرزا وی ایہ سارا کُجھ راز ای رکھنا چاہندیاں نیں۔
