ممبئی(پاکستان پوائنٹ نیوز07۔نومبر۔2016ء) بھارتی عدالت نے اداکار آدتیہ پنچولی نوں گوانڈھی اُتے تشدد کرن دے مقدمے وچ اک سال قید دی سزا سُنا دِتی اے۔ہالی ووڈ اداکار آدتیہ پنچولی نے 1986 وچ فلمی کیریئر دی شروعات کیتی تے کئی فلماں وچ اداکاری دے جوہر وکھائے پر اوہ فلماں وچ ولن دے کردار وچ ناں کمان وچ کامیاب ہو ئے جدکہ اداکار ہمیشہ توں ای متنازع رہے تے اوہناں نوں کئی مقدیاں دا ساہمنا وی کرنا پیا پر ہن اوہناں نوں تشدد دے مقدمے وچ سزا سنا دِتی گئی اے۔
ممبئی دے علاقے اندھیری دی مقامی عدالت نے 2005 وچ آدتیہ پنچولی ولوں گوانڈھی اُتے تشدد کرن دا الزام ثابت ہون اُتے اک سال قید تے 20ہزار جرمانے دی سزا سُنائی پر مجسٹریٹ نے سول کورٹ وچ اپیل دائر کرن تیک اداکار دی ضمانت منظور کر لئی جہدے بعد اوہناں نوں جیل نہیں گھلیا گیا۔
