ملتان(پاکستان پوائنٹ نیوز29۔ستمبر۔2018ء) سٹیج اداکارہ نائلہ شاہ لمی بیماری کٹن مگروں چلانا کر گئیاں۔ تفصیل مطابق مشہور سٹیج اداکارہ نائلہ شاہ خونی بیماری دا شکار سن تے پچھلے 10دناں توں ملتان دے نشتر ہسپتال وچ داخل سن۔پر اج سویرے طبیعت بُہتی وِگڑن کارن چلانا کر گئیاں۔ ہسپتال وسیلیاں مطابق نائلہ شاہ خون دے چِٹے خلیاں دی کمی دی بیماری دا شکار تے نشے دیاں عادی سن۔
35 ورھیاں دی نائلہ شاہ نے کیریئر دی شروعات سٹیج ڈانسر دی حیثیت نال کیتی سی۔ اوہناں نے کئی ٹی وی پروگرامز وی کیتے تے فیر ویاہ مگروں شوبز چھڈ دتا۔ پر شوہر دے دنیا توں ٹُر جان مگروں نائلہ شاہ دے گھر والیاں نے اوہناں دی جائیداد اُتے قبضہ کر لیا ، جیہدے بعد اوہناں نے بہت غربت دی زندگی لنگھائی۔ نائلہ شاہ دے سوگواران وچ اوہناں دا اک 7ورھیاں دا پُتر تے 8ورھیاں دی دھی سی۔نائلہ شاہ دے چلانا کرن اُتے شوبز دے کُجھ حلقیاں نے دُکھ دا وکھالاکیتا اے۔
