پاکستانی فلم میکرز ویلے دے نال نال بہتری ول جا رہے نیں: اداکارا زارا شیخ

لاہور(پاکستان پوائنٹ نیوز 06۔اکتوبر 2016ء) پاکستانی اداکارا زارا شیخ نے آکھیا اے کہ پاکستانی فلم میکرز ویلے دے نال نال بہتری ول جا رہے نیں، جے کوئی چنگی آفر ہوئی تے ضرور فلم کراں گی۔ اپنے اک انٹرویو وچ اداکارا زارا شیخ نے آکھیا کہ جدوں تیکر فلم میکر باکس آفس دیاں لوڑاں مطابق فلم نہیں بنان گے، اوہناں نوں کامیابی نہیں مل سکدی۔ اوہناں نے آکھیا کہ ساڈے ایدھر پہلے ای فلمساز تے ہدایتکاراں نے فلم میکنگ دے حوالے نال ویلے دے نال نال بدلدی ٹیکنالوجی اُتے توجہ ای نہیں دِتی، جہدا نقصان سانوں فلم انڈسٹری دی وِگڑدی ہوئی صورتحال وچ بھگتنا پیا۔ اوہناں نے آکھیا کہ ہُن اسیں منزل حاصل کر لئی اے تے ہُن سانوں بہت کُجھ کرن دی لوڑ اے۔