لاہور( پاکستان پوائنٹ نیوز04۔جولائی۔2018ء ) اداکارہ ارمینا خان اپنی سادگی تے اداکاری دی وجہ توں پاکستان سنے دنیا بھر وچ اپنی پچھان رکھدیاں نیں۔ ارمینا خان نے فلماں تے ڈارمیاں وچ اک سادہ کُڑی دے طور اُتے اپنی پچھان بنائی اے تے شاید ایہو وجہ اے کہ اوہناں نے مغربی لباس پا کے سوشل میڈیا اُتے تصویر شیئر کیتی تے اوہناں نوں تنقید دا نشانہ بنایا گیا۔
اداکارہ نے انسٹا گرام اُتے سارے کمنٹس ڈیلیٹ کر کے ایہ آپشن ای بند کر دتا۔ ارمینا خان ولوں اپنیاں 2تصویراں انسٹا گرام اُتے شیئر کیتیاں گیاں جیہناں وچ اوہناں نے شارٹس پائے نیں۔ ایہ تصویراں شیئر ہوندے ای کئی لوکاں نے اوہناں دے نویں سٹائل نوں سلاہیا(سراہا) پر بہت سارے لوکاں نے اوہناں نوں ایس طرحاں دے کپڑے پان اُتے تنقید دا نشانہ وی بنایا۔ اک سوشل میڈیا ورتیندڑ(صارف) ولوں لکھیا گیا کہ ارمینا خان نے چڈی ایس لئی پائی اے کیونکہ اوہناں کول کپڑے مُل لین لئی پیسے نہیں نیں۔
