نیویارک(پاکستان پوائنٹ نیوز17۔مئی2018ء ) پاکستان دی مشہور اداکارہ میرا نے آکھیا اے کہ مینوں سیکرٹری دی بہت ضرورت اے جو میری غیر موجودگی وچ کئی پراجیکٹس دے سمجھوتے کرن دی ڈیوٹی دیوے۔ تفصیل مطابق اپنے اک انٹرویو وچ میرا دا کہنا سی کہ میں نیویارک شفٹ ہو گئی آں پر میں پاکستان وچ فلم، ٹی وی تے ماڈلنگ نال جُڑی رہواں گی۔ جدوں وی کسے پراجیکٹ دی آفر ہوئی میں پاکستان آ کے کم کراں گی۔
میرا دا ماہرہ خان دے کانز فلم فیسٹیول وچ رلت دے حوالے نال کہنا سی کہ اوہ مشہور میک اپ برانڈ دی ایمبسیڈر بنن دی اہل نہیں۔ سفارش دی بنیاد اُتے فلم فیسٹول وچ رلت کرنا کوئی وڈی گل نہیں اے۔اداکارہ دا کہناسی کہ فنکار دی اصل عزت اوس ویلے ہوندی اے جدوں اوہ اپنی فنی صلاحتاں دے بل بوتے اُتے کوئی کارنامہ انجام دیوے۔
