بھارت(پاکستان پوائنٹ نیوز10۔مئی2018ء) کُجھ دناں توں مشہور بالی ووڈ اداکارہ سونم کپور دے ویاہ دے بہت چرچے رہے نیں۔اوہناں دے ویاہ دیاں تصویراں نے سوشل میڈیا اُتے وی دھم پائی اے۔ پر ہن اک ہور بالی ووڈ اداکارہ نے اچانک ویاہ کر کے سبھ نوں حیران کر دتا۔ بالی ووڈ دیاں کئی فلماں وچ مرکزی کردار نبھان والی نیہا دھوپیا نے ویاہ کر لیا۔ نیہا دھوپیا نے انگدبیدی نال اچانک ویاہ کر کے سبھ نوں حیران کر دتا۔
نیہا دھوپیا دے ویاہ دی خبر اوس ویلے سچی ثابت ہوئی جدوں اوہناں نے اپنے ٹویٹر اکاؤنٹ اُتے اپنے ویاہ بارے پوسٹ کیتی۔ میڈیا رپورٹس مطابق نیہا دھوپیا نے انگدبیدی نال ویاہ کیتا اے ۔ انگدبیدی وی اداکار نیں۔ نیہا دھوپیا نے پنجابی ریت مطابق ویاہ کیتا۔ ایس موقعے تے اداکارہ نے گلابی جدکہ اوہناں دے خاوند نے چِٹے رنگ دا جوڑا پایا۔ سوشل میڈیا اُتے وی نیہا دھوپیا دیاں تصویراں وائرل ہو گئیاں نیں۔
