لاہور(پاکستان پوائنٹ نیوز01۔مئی2018ء) مشہور گلوکارہ میشا شفیع نے اپنا انسٹا گرام اکاؤنٹ ڈیلیٹ کر دتا۔ تفصیل مطابق مشہور گلوکارہ میشا شفیع نے علی ظفر اُتے جنسی طور اُتے ہراساں کرن دا الزام لایا سی پر شوبز انڈسٹری ایس حوالے نال دو دھڑیاں وچ ونڈی گئی۔ شوبز انڈسٹری توں تعلق رکھن والے کئی لوکاں نے علی ظفر دے حق وچ بیان دیندے ہوئے میشا شفیع نوں ڈاڈھی تنقید دا نشانہ وی بنایا۔
پر ہن میڈیا رپورٹس مطابق میشا شفیع نے اپنا انسٹا گرام اکاؤنٹ وی ڈیلیٹ کر دتا اے۔ جیہدے مگروں کئی سوالاں نے جنم لیا اے کہ کیہ سچی مُچی میشا شفیع دا علی ظفر اُتے جنسی طور اُتے ہراساں کرن دا الزام جھوٹھا سی؟چیتے رہوے کہ میڈیا وچ ایہ وی خبراں آ رہیاں نیں کہ میشا شفیع نے اپنے گھر والیاں سنے باہرلے ملک شفٹ ہون دا فیصلا کیتا اے۔
