جودھپور(پاکستان پوائنٹ نیوز06۔اپریل2018ء) سلمان خان نوں کل ضمانت اُتے رہائی ملن دا امکان اے۔ تفصیل مطابق بالی ووڈ دے دبنگ خان سلمان خان نوں پچھلے دیہاڑے کالے ہرن دے غیر قانونی شکار دے جرم وچ 5سال جیل دی سزا سنا دتی گئی سی۔سلمان خان اُتے الزام اے کہ اوہناں نے 20ورھے پہلاں بھارتی ریاست راجھستان وچ 2کالے ہرناں دا غیر قانونی شکار کیتا سی۔ 20ورھیاں تیکر ایہ کیس چلدا رہیا تے ہن پچھلے دیہاڑے بھارتی شہر جودھپور دی عدالت ولوں بالی ووڈ دے دبنگ خان نوں مجرم قرار دے دتا گیا۔
عدالت نے سلمان خان نوں مجرم قرار دے کے 5سال جیل دی سزا سنائی۔ عدالتی فیصلے مگروں سلمان خان نوں گرفتار کر کے جودھپور جیل منتقل کردتا گیا جتھے اوہ ہن تیکر اک رات لنگھا چکے نیں۔ ہن بھارتی میڈیا مطابق سلمان خان نوں ضمانت اُتے رہائی ملن دا امکان اے۔ سلمان خان ولوں دائر کیتی گئی ضمانت درخاست اُتے کل سنوائی ہوئے گی۔
