سلمان دی گرفتاری اُتے عدالت وچ جذباتی منظر: بھیناں اُچی اُچی رون لگ پئیاں

بھارت(پاکستان پوائنٹ نیوز05۔اپریل2018ء) نایاب ہرن دے شکار کیس وچ بالی ووڈ اداکار سلمان خان دی گرفتاری اُتے عدالت وچ جذباتی منظر ویکھن نوں ملے جدکہ سلمان خان دیاں بھیناں اُچی اُچی روندیاں رہیاں۔ تفصیل مطابق نایاب ہرن دے شکار کیس وچ جودھ پور دی عدالت نے بالی ووڈ دے دبنگ خان سلمان خان نوں مجرم قرار دیند ے ہوئے 5سال قید تے 10ہزار رُپئے جرمانے دی سزا سنائی۔ سلمان خان دی سزا تے اوہناں دی گرفتاری دا سُن کے اوہناں دے چاہیوان دُکھی ہو گئے جدکہ عدالتی کمرے وچ وی جذباتی منظر ویکھن نوں ملے۔سلمان خان دی سزا دا سُندے ای عدالت وچ موجود لوک دُکھی ہو گئے۔ ایس موقعے تے سلمان خان دیاں بھیناں اُچی اُچی روندیاں وکھالی دتیاں۔