لاہور(پاکستان پوائنٹ نیوز04۔اپریل2018ء) مشہور اداکارہ عائشہ خان نے اپنے منگیتر دی تصویر شیئر کر دتی۔ تفصیل مطابق مشہور اداکارہ عائشہ خان نے کُجھ چِر پہلاں شوبز دی دنیا نوں چھڈ دتا سی۔ اودوں عائشہ خان بارے سوشل میڈیا اُتے آکھیا جا رہیا سی کہ عائشہ خان چھیتی ویاہ کرن والیاں نیں ، ایس لئی اوہناں نے شوبز دی دنیا نوں چھڈ ن دا اعلان کیتا اے پر ہن عائشہ خان نے اپنے چاہیواناں نوں ہور اُڈیک نہ کرواندے ہوئے اپنے منگیتر دی تصویر انسٹا گرام اُتے شیئر کر دتی اے۔
عائشہ خان نے اپنے منگیتر دی تصویر شیئر کردے ہوئے آکھیا کہ اسیں دوویں چاہیواناں دے پیار تے دعاواں اُتے شکر گزار آں۔ عائشہ خان نے ایہ وی لکھیا کہ میں میڈیا انڈسٹری نوں چھڈن دا اعلان کُجھ چِر پہلاں کیتا سی کیونکہ میں شوبز توں دور رہنا چاہنی آں۔ عائشہ خان نے اپنے منگیتر بارے دسیا کہ اسیں کئی ورھیاں توں اک دوجے نوں جاندے آں تے اسیں پچھلے ورھے منگنی کیتی سی۔
