کراچی(پاکستان پوائنٹ نیوز23۔مارچ2018ء) مشہور پاکستانی اداکارہ ماہرہ خان دی والدہ پاکستان سپر لیگ سیزن تھری وچ کراچی کنگز خلاف پشاور زلمی دی جِت اُتے اوہناں توں ’ناراض‘ ہوگئیاں۔ ماہرہ خان دا تعلق کراچی توں اے پر اوہ پی ایس ایل دی دفاعی چیمپئن پشاور زلمی دی ایمبیسڈر نیں تے اپنی ٹیم نوں بھرپور سپورٹ کر رہیاں نیں۔ ماہرہ خان نے جدوں پشاور زلمی دی جِت اُتے خُشی دا وکھالا کیتا تے اوہناں دی والدہ اوہناں توں ناراض ہو گئیاں۔
ماہرہ خان نے ٹویٹر اُتے اپنے پیغام وچ دسیا کہ میری والدہ میرے نال گل نہیں کر رہیاں کیونکہ اوہناں دی ٹیم پشاور زلمی نے کراچی کنگز نوں ہرا دتا۔ دوجے پاسے ماہرہ خان اپنی ٹیم دے فائنل وچ اپڑن دے حوالے نال بہت خُش نیں تے اوہناں نے امید ظاہر کیتی اے کہ پی ایس ایل ٹو جِتن والی پشاور زلمی اپنے ٹائٹل دا کامیابی نال دفاع کرے گی۔ کراچی دے نیشنل سٹیڈیم وچ ہون والے پی ایس ایل 3دے فائنل میچ وچ ماہرہ خان دی رلت دا امکان اے۔
