ممبئی(پاکستان پوائنٹ نیوز19۔مارچ2018ء) بالی ووڈ دے مشہور فلمسٹار و ہدایت کار کرن جوہر نے اپنے ’زنانہ‘ ہون بارے اہم انکشاف کر دتا۔ بالی ووڈ دے مشہور فلمسٹار و ہدایت کرن جوہر دی گنتی انڈسٹری دیاں اوہناں مشہور شخصیتاں وچ ہوندی اے جیہناں نے بالی ووڈ نوں کئی سپر ہٹ فلماں دتیاں تے بہت سارے نویں بندے متعارف کرائے پر اک شے جو کرن جوہر نوں دوجے مرداں توں وکھ کردی اے اوہ اوہناں دا زنانہ انداز اے جیہدے بارے اوہناں نے اہم انکشاف وی کیتا اے۔
بھارتی میڈیا رپورٹس مطابق ہدایت کار کرن جوہر نے اک شو وچ انکشاف کیتا کہ سکول وچ اوہناں نوں پینسی (pancy)آکھیا جاندا سی کیونکہ اوہناں دے ٹُرن دا طریقہ تے انداز کُڑیاں ورگا سی جدکہ مینوں بالپنے توں ای زنانہ گیتاں اُتے رقص کرن دا بہت شی سی جس پاروں اکثر ای میرے بیلی وغیرہ وی مذاق اُڈاندے سن تے ایسے وجہ توں میں احساس کمتری دا شکار وی ہوندا سی۔ کرن جوہر نے ہور انکشاف کیتاکہ میں 13سال دی عمر وچ اپنے زنانہ انداز نال گل بات دی بہتری تے ہور لہجے دی درستگی لئی فن خطاب دے اُستاد کول وی گیا پر اوہناں نے میرے زنانہ انداز نال گل بات کرن دے انداز نوں درست قرار دیندے ہوئے آکھیا کہ میں میرا انداز بالکل ٹھیک اے ۔
