ممبئی(پاکستان پوائنٹ نیوز16۔فروری2018ء) سوشل میڈیا سٹار ملیالم فلم انڈسٹری دی سُندر اداکارہ پریا پاکاش دی پچھلے کُجھ دناں توں کُجھ سکینڈ دی اک ویڈیو سوشل میڈیا اُتے گھم رہی اے۔ ویڈیو وچ اک کُڑی تے اک مُنڈا اکھاں اکھاں نال گل بات کر دے نظر آ رہے نیں، اکھاں دے اشاریاں نال گل کرن دا ایہ انداز سوشل میڈیا اُتے اینا پسند کیتا گیا کہ ویڈیو صرف کُجھ گھنٹیاں وچ دنیا بھر وچ مشہور ہو گئی۔
پریا پرکاش دی ایس ویڈیوز نال سوشل میڈیا ورتیندڑاں نے کئی میمز وی بنائے جہدے اُتے بھارتی میڈیا نے رپورٹنگ کردے ہوئے حد کر دتی۔ بھارتی میڈیا دی اک رپورٹ وچ پریا پرکاش دی پاکستان دے سابق وزیر اعظم نواز شریف نال ایڈٹ کیتی گئی اک ویڈیو چلائی گئی۔ بھارتی رپورٹر دا کہنا سی کہ پریا نے جتھے کُڑیاں دی توجہ اپنے ول کروائی اے اوتھے پاکستان دے سابق وزیر اعظم نواز شریف دی شرافت نوں وی پریا دے لو (love)نے لفافے وچ ولھیٹ دتا اے۔
نال ای نال بھارتی ٹی وی چینل اُتے نواز شریف تے پریا پرکاش دی ایڈٹ کیتی ہوئی ویڈیو وی چلائی گئی، ایہو نہیں بھارتی رپورٹر نے ہور آکھیا کہ پریا دی ایس ویڈیو نے سرحداں دا فرق ختم کر دتا اے۔ رپورٹ وچ پی ٹی آئی چیئرمین عمران خان تے ایم کیو ایم دے قائد الطاف حسین نوں وی شرماندے ہوئے وکھایا گیا۔
