نویں دِلی(پاکستان پوائنٹ نیوز15۔فروری2018ء) سوشل میڈیا سٹار ملیالم فلم انڈسٹری دی سُندر اداکارہ پریا پاکاش دی بغیر میک اپ دے تصویراں سوشل میڈیا اُتے وائرل ہو رہیاں نیں۔ پچھلے چار دناں توں کُجھ سکینڈ دی اک ویڈیو سوشل میڈیا اُتے گھم رہی اے۔ ویڈیو وچ اک کُڑی تے اک مُنڈا اکھاں اکھاں نال گل بات کر دے نظر آ رہے نیں، اکھاں دے اشاریاں نال گل کرن دا ایہ انداز سوشل میڈیا اُتے اینا پسند کیتا گیا کہ ویڈیو صرف کُجھ گھنٹیاں وچ دنیا بھر وچ مشہور ہو گئی۔
بھارتی میڈیا رپورٹ مطابق ویڈیو وچ نظر آن والی 18ورھیاں دی پریا پرکاش دا تعلق کیرالا توں اے تے اوہناں نال موجود مُنڈا روشن عبدالرؤف اے۔ دوویں پڑھیار ہون دے نال نال اداکاری وی کردے نیں تے ایہ ویڈیو اوہناں دوواں دی پہلی ملیا لم فلم ’اورو آدارلو‘ دی اے۔ پریا دی مقبولیت دا اندازہ ایتھوں لایا جا سکدا اے کہ اوہدے انسٹا گرام اکاؤنٹ دے فالورز دی گنتی ویڈیو وائرل ہون توں پہلاں صرف 5000سی پر چار دناں وچ ایہ گنتی ودھ کے 3.2ملین ہو گئی اے۔حقیقی پریا ویڈیو وچ نظر آن والی پریا توں اڈا اے۔ پریا پرکاش دی بغیر میک اپ دے تصویراں سوشل میڈیا اُتے وائرل ہو رہیاں نیں جہناں وچ پریا بالکل عام جہی کُڑی نظر آ رہی اے۔
