اداکارہ میرا نے عمران خان نال محبت دا اظہار کر دتا

لاہور(پاکستان پوائنٹ نیوز08۔جنوری2018ء) فلمسٹار میرا نے آکھیا اے کہ عمران خان نے ویاہ کرلیا اے تے اوہنوں لُکانا نہیں چاہیدا، جمائما ذہین سوانی اے، پاکستان آئی تے کھانے دی دعوت دیواں گی۔تفصیل مطابق عمران خان دے تیجے ویاہ بارے گلاں باتاں ہو رہیاں نیں۔ اجیہے ماحول وچ فلمسٹار میرا نے وی چُپ توڑدے ہوئے آکھیا اے کہ عمران خان نے ویاہ کیتا اے تے اوہنوں لُکان دی کیہ ضرورت اے۔ نجی ٹی وی نال اُچیچی گل بات کرد ے ہوئے میرا دا کہنا سی کہ جمائما ذہین سوانی اے،اوہناں نوں پاکستان آنا چاہیدا۔ سکینڈل کوئین دا کہنا سی کہ اوہ عمران خان نال محبت کردیاں نیں پر ضروری نہیں کہ محبت وچ ویاہ ای کیتا جائے۔