ہالی ووڈ اداکار رشی کپور دی جامعہ مسجد نویں دِلی وچ کھلوکے مسلماناں نوں جشن ولادت حضرت محمدﷺ دی مبارکباد

ہالی ووڈ اداکار رشی کپور دی جامعہ مسجد نویں دِلی وچ کھلوکے مسلماناں نوں جشن ولادت حضرت محمدﷺ دی مبارکباد

نویں د ِلی(پاکستان پوائنٹ نیوز02۔دسمبر2017ء) پچھلے دیہاڑے حضرت محمدﷺ دی ولادت دا دن مذہبی جوش و جذبے نال منایا گیا۔ ایس حوالے نال ہالی ووڈ اداکار رشی کپور نے جامعہ مسجد نویں دِلی وچ کھلوکے مسلماناں نوں جشن ولادت حضرت محمدﷺ دی مبارکباددتی۔تفصیل مطابق مائیکرو بلاگنگ ویب سائٹ ٹویٹر اُتے بھارتی اداکار رشی کپور نے پیغام جاری کردے ہوئے عید میلاد البنیﷺ دی مبارکباد دتی تے اک تصویر شیئر کیتی جہدے وچ ویکھیا جا سکدا اے کہ اوہ دِلی دی اک جامعہ مسجد وچ کھلوتے نیں۔

ایہ تصویر تے پیغام ویکھ کے پاکستانیاں دے دل وچ موجود اوہناں بارے سارا غصہ ختم ہوگیا جو ایس توں پہلاں اوہناں اُتے سی۔ ایس موقعے تے اوہناں نے ایہ وضاحت وی کیتی کہ اوہ فلم دی شوٹنگ دے سلسلے وچ مسجد گئے سن جتھے موجود لوکاں نے اوہناں نال چنگا ورتارا کیتا۔ دوجے پاسے پاکستانی وی اوہناں دے ایس پیغام اُتے خش نیں ۔پاکستانیاں دا کہنا اے کہ بھاویں رشی کپور فلم دی شوٹنگ دے سلسلے وچ مسجد گئے سن پر مسلماناں نوں عید میلاد النبیﷺ دی مبارکباد دینا نہیں اوہناں دے سکرپٹ دا حصہ نہیں ہوئے گا۔ ایہ کم اوہناں نے ذاتی طور اُتے کیتا جہدا فلم دی شوٹنگ نال کوئی تعلق نہیں سی تے ایہووجہ اے کہ اوہناں نے جشن عید میلاد البنیﷺ دی مبارکباد دے کے مسلماناں دے دل جِت لئے نیں۔