ابوظہبی(پاکستان پوائنٹ نیوز18۔نومبر2017ء) نوجوان خوبرو ماڈل نے ٹیوشن فیس دین لئی اپنا کنوارہ پنا ویچ دتا۔ تفصیل مطابق 19ورھیاں دی خوبرو ماڈل نے ابوظہبی دی اک کاروباری شخصیت نوں دو ملین یورو بدلے اپنا کنوارہ پن ویچ دتا۔ غیر ملکی ویب سائٹ اُتے چھپن والی رپورٹ مطابق 19ورھیاں دی گسلے نے جرمنی دی اک ویب سائٹ سنڈریلا ایسکارٹس اُتے اپنے بولی لوائی۔
ماڈل نے دسیا کہ میری سبھ توں ودھ بولی لان والے ہالی ووڈ دے اداکار نے روس دے اک سیاستدان نوں بہت گھٹ مارجن توں ہرایا۔ ماڈل دا کہنا سی کہ مینوں ایس گل دا اندازہ ای نہیں سی کہ بولی دی رقم2.5 ملین یورو تیکر پہنچ جائے گی۔ ایہ اِنج ای اے جیویں میرا کوئی خاب پورا ہو گیا ہوئے، ماڈل دا کہنا سی کہ اپنے کنوارے پن دی قیمت لاوانا میرا اپنا ای آئیڈیا سی تے میں اپنے تحفظ لئی ایجنسی نوں پہلے پیسے گھلن لئی آکھیا۔
گیسلے نے دسیا کہ میں اپنے خریدار نال جرمنی وچ ملاقات کراں گی۔ ایجنسی نے مینوں یقین دہائی کروائی کہ اوہ مینوں ملاقات دوران تحفظ دیوے گے۔ ویب سائٹ دے ترجمان نے دسیاکہ اسیں ہوٹل دی بکنگ ہاسٹل نیڑے ای کروائی تاں جے کسے پریشانی دی صورت وچ نوجوان ماڈل نوں تحفظ دتا جا سکے۔ ترجمان نے دسیا کہ ساڈے کول ہور وی بہت ساریاں کُڑیاں نیں جو اپنا کنوارہ پن ویچن دیاں خاہشمند نیں تے اوہناں نوں ایہ طریقہ محفوظ لگدا اے۔یاد رہوے کہ ایہ ویب سائٹ 27ورھیاں دے نوجوان دی اے، جہنے2016وچ اوس ویلے مشہوری حاصل کیتی جدوں اک روسی ماڈل نے دو ملین یوروز بدلے اپنا کنوارہ پن ویچیا سی۔
