شاہد آفریدی دے بال دی ماں بنن دا اقرار کرنا صرف اک مذاق سی: عرشی خان

شاہد آفریدی دے بال دی ماں بنن دا اقرار کرنا صرف اک مذاق سی: عرشی خان

ممبئی(پاکستان پوائنٹ نیوز07۔نومبر2017ء) بھارتی اداکارہ عرشی خان نے قبولیا اے کہ 2016وچ میرے ولوں سابق پاکستانی کپتان شاہد آفریدی دے بال دی ماں بنن دا اقرار کرنا صرف اک مذاق سی۔ عرشی خان ایس ویلے ریالٹی شو ’بگ باس‘ دے 11ویں سیزن دا حصہ اے جتھے اوہنے پچھلے دیہاڑے شو دے مجمان تے بالی ووڈ دے سٹار اداکار سلمان خان نال گل بات کردے ہوئے شاہد آفریدی بارے اپنے بیان دے گمراہ کن ہون دا اعتراف کیتا۔ عرشی خان دا کہنا سی کہ 2016وچ جدوں آفریدی بھارت آیا تے کُجھ میڈیا والیاں نے ایہ لکھیا کہ عرشی خان کرکٹر شاہدی آفریدی دے بال دی ماں بنن والی اے ، جہدی اوہناں حامی بھردے ہوئے آکھیا سی کہ جے کُجھ ہویا تے تہانوں 9مہینیاں پچھوں پتا لگ جائے گا۔عرشی خان نے ہور آکھیا کہ ایہ صرف مذاق سی۔