اسلام آباد(پاکستان پوائنٹ نیوز27۔ستمبر2017ء) سپریم کورٹ نے اداکارہ عتیقہ اوڈھو خلاف شراب برآمدگی کیس وچ ٹرائل کورٹ نوں کیس دی سنوائی کرن دی اجازت دے دتی اے پر کیس دا حتمی فیصلا سنان توں ڈکدے ہوئے مقدمے دی سنوائی 10اکتوبر تیکر ملتوی کر دتی اے۔ جسٹس اعجاز افضل خان دی سربراہی وچ جسٹس قاضی عیسی فائز تے جسٹس اعجاز الاحسن اُتے مشتمل تن رکنی بنچ نے کیس دی سنوائی کیتی تے عتیقہ اوڈھو دے وکیل ایڈووکیٹ علی ظفر نے اپنے دلائل وچ آکھیا کہ مقدمے وچ نامزد سارے (8) گواہاں دے بیان ریکارڈ ہو گئے نیں تے صرف عتیقہ اوڈھو دا بیان ریکارڈ نہیں ہویا اے۔
اسیں ماتحت عدالتاں وچ اپیلاں کیتیاں پر ساڈیاں اپیلاں نوں رد کر دتا گیا ‘ جہدی سانوں وجہ وی نہیں دسی گئی۔ ایہدے اُتے عدالت نے پُچھیا کہ کیہ تہاڈا مطلب اے کہ ماتحت عدالتاں نے اپیلاں رد کرن دا صرف فیصلا کیتا اپنے آرڈرز وچ ہور کُجھ نہیں لکھیا؟
