فیملی کورٹ نے ادکارہ نور دی درخاست اُتے خلع دی ڈگری جاری کر دتی

لاہور(پاکستان پوائنٹ نیوز20۔ستمبر2017ء) فیملی کورٹ نے ادکارہ نور دی درخاست اُتے خلع دی ڈگری جاری کر دتی اے۔ میڈیا رپورٹس مطابق اداکارہ نور ولوں فیملی کورٹ وچ خلع لین لئی درخاست دائر کیتی گئی سی۔ درخاست اُتے فیملی کورٹ دے جج فیصل نسیم نے سنوائی کیتی ۔ عدالت نے اداکارہ نور نوں خاوند ولی حامد توں علیحدگی لئی خلع دی ڈگری جاری کر دتی اے۔ یاد رہوے کہ اداکارہ نور تے گلوکارہ حامد علی دا ویاہ چالو ورھے ای ہویا سی پر دوواں وچکار گھریلو جھیڑے کارن علیحدگی ہو گئی۔