لاہور‘ نویں دِلی(پاکستان پوائنٹ نیوز27۔جولائی 2017ء) مشہور گلوکار میکا سنگھ پاکستان دے آزادی دیہاڑ دے جشن وچ رلتی ہون گے‘ اوہناں دا ایہ اعلان بھارتیاں توں برداشت نہ ہویا تے رولا پانا شروع کر دتا۔ 15اگست نوں بھارت‘ 14اگست نوں ساڈا پاکستان‘ ساڈا پاکستان‘ ایہ سن اوہ لفظ جہدے تے بھارتی تپ گئے۔جی ہاں میکا سنگھ نے پاکستانی گلوکار ریحان صدیقی دی کال تے لبیک آکھیا‘ شکاگو وچ آزادی دیہاڑے دے کنسرٹ وچ پرفارم کرن دی حامی بھری تے بھارتی چینلز نے رولا پا دتا۔
میکا پاکستان دے جشن آزادی دی تقریب و چ پرفارم کرن گے۔ دوجے پاسے اوہناں دے ایس فیصلے تے بھارتی انتہئا پسند تنظیم شیو سینا تے بی جے پی دے سیاسی غنڈے زہر بکن لگے‘ میکا نوں سخت نتیجیاں دیاں دھمکیاں دتیاں تے پاکستان چلے جان دا راگ وی الاپنا شروع کر دتا۔
