اداکارا میرا نے عمران خان دے مقابلے وچ الیکشن لڑن دیاں خبراں نوں رد کر دتا

لاہور(پاکستان پوائنٹ نیوز26۔جولائی 2017ء) پاکستانی فلم انڈسٹری دی مشہور اداکارا میرا نے سماجی رابطے دی ویب سائٹ ٹویٹر تے عمران خان دے مقابلے وچ الیکشن لڑن دے بیان نوں رد کردے ہوئے آکھیا کہ عمران خان خلاف الیکشن لڑن دی خبر جھوٹھ اے۔ اداکارا میرا نے پچھلے دیہاڑے مقامی اخبار وچ آن والے بیان تے دُکھ دا وکھالا کردے ہوئے آکھیا کہ نہ صرف اوہناں دا الیکشن وچ کھڑے ہون دا کوئی ارادا اے بلکہ اوہناں نوں سیاست وچ کوئی دلچسپی نہیں اے۔ اخبار تے میڈیا وچ آن والیاں خبراں جھوٹھ نیں۔ اوہناں دا کہنا سی کہ پاکستانی اخبار ریٹنگ ودھان لئی غلط خبراں چھاپدے نیں جو افسوسناک گل اے۔