لاہور(پاکستان پوائنٹ نیوز22۔جولائی 2017ء) سوشل میڈیا سنے فلم انڈسٹری وچ ہمایوں سعید تے مہوش حیات دیاں ملاقاتاں تے دنوں دن ودھی ہوئی دوستی دے چرچے ہون لگے نیں۔ عید تے ریلیز ہون والی ہمایوں سعید دی فلم ,پنجاب نہیں جاؤنگی، وچ مہوش حیات نوں اک وار فیر اداکاری دے جوہر وکھان دا موقع دتا گیا اے۔ فلم ,جوانی پھر نہیں آنی، وچ مہوش حیات نے ہمایوں سعید دی محبوبہ دا رول چنگا نبھایا سی تے ہن فیر اوہناں نوں فلم وچ بہترین رول دتا گیا اے۔
فلم دی پروموشن لئی مہوش تے ہمایوں ہر تھاں اکٹھے نظر آ رہے نیں جدکہ فلم انڈسٹری وچ اوہناں دے نال نال رہن دے چرچے وی ہون لگے نیں۔ دوجے پاسے ہمایوں سعید دا کہنا اے کہ ہر فنکار تے پروڈیوسر ہیروئین نال کم کر کے پرسکون تے ذہنی ہم آہنگی کارن چنگا محسوس کردا اے۔ اوہناں نے آکھیا کہ فلم انڈسٹری وچ کھلرن والیاں افواہواں کُجھ وی ہون کامیاب لوکاں نوں اوہدی پراوہ نہیں ہوندی۔
