ممبئی(پاکستان پوائنٹ نیوز04۔مئی2017ء) مشہور تے عالمی شہرت یافتہ نوجوان گلوکار جسٹن بیبر دے بھارتی چاہیواناںنے اوہناں نوں بھارت وچ پرفارم کرن دی دعوت دتی سی جہدے اُتے گلوکار جسٹن نے دورا بھارت لئی اپنے مطالبے تے فرمائشاںدی فہرست بنا کے متعلقہ حکام نوں گھل دتی اے۔ جسٹن دی ایہ لسٹ ویکھ کے ہر کوئی ہکا بکا رہ گیا اے جدکہ بھارتی چاہیوان اپنے پسندیدا گلوکار دی پرفارمنس نوں چالو مہینے دی دس تاریخ نوں ڈی وائے پٹیل سٹیڈیم وچ انجوائے کرن گے۔
جسٹن بیبر دی ٹیم ولوں کانسرٹ انتظامیا نوں دسیا گیا اے کہ کینیڈین جسٹس بیبر دا قافلا دس لگژری گڈیاں تے دو بساں اُتے مشتمل ہووے گا۔ جسٹن بیبر صرف ہیلی کاپٹر راہیں ای سٹیڈیم جان گے۔ گلوکار دے 8ذاتی گارڈاں سنے اک سو ویہ بندیاں لئی بھارتی ریاست مہاراشٹرا توں زیڈ لیول دی سکیورٹی دا مطالبا وی کیتا گیا اے۔ ٹیم ولوں دتی گئی لسٹ وچ اک رولز رائس گڈی، بیک سٹیج سوئمنگ پول، صوفی سیٹ، واشنگ مشین، ریفریجریٹر، پنگ پانگ ٹیبل، پلے سٹیشن، آئی او ہاک، صوفہ سیٹ ، الماری تے مساج ٹیبل رکھن دا مطالبا کیتا اے۔
