عامر خان نے فلم ’ٹھگس آف ہندوستان‘ لئی نک ونوا لیا

ممبئی(پاکستان پوائنٹ نیوز03۔مئی2017ء) بالی ووڈ دے سلطان عامر خان نے اپنی نویں فلم ’ٹھگس آف ہندوستان‘ لئی نک ونوا لیا۔ بھارتی میڈیا دے مطابق ہر کردار نوں اپنے انداز وچ کرن دا فن صرف عامر خان نوں آﺅندا اے، اداکار شناخت سنگھ نے سوشل میڈیا اُتے اک تصویر شیئر کیتی اے جہدے وچ عامر خان دے نک وچ سنہری موتی نظر آ رہیا اے۔ آکھیا جا رہیا اے کہ بالی ووڈ بھلوان نے فلم ’ٹھگس آف ہندوستان‘ لئی نک ونوا لیا اے۔ ایس فلم لئی عامر خان خاص تیار کر رہے نیں کیونکہ فلم وچ اوہناں دا ساہمنا پہلی وار امیتابھ بچن نال ہو رہیا اے۔