پاناما کیس دے سوال اُتے سٹیج ڈرامہ پروڈیوسر قیصر ثناءاللہ دیاں اکھاں وچ اتھرو آگئے

پاناما کیس دے سوال اُتے سٹیج ڈرامہ پروڈیوسر قیصر ثناءاللہ دیاں اکھاں وچ اتھرو آگئے

لاہور(پاکستان پوائنٹ نیوز22۔اپریل2017ء) پاناما کیس دے فیصلے بارے سوال اُتے سٹیج ڈرامہ پروڈیوسر قیصر ثناءاللہ رو پئے۔ ثناءاللہ دا کہنا سی کہ ڈاکوواں خلاف کارروائی دا سوچن والے بے وقوف نیں، موبائل تے ٹُوٹی چوری کرن والے جیلاں وچ نیں پر جہناں نے ایس ملک نوں لُٹ کے محل بنائے اوہنا ںنوں کوئی پُچھن والا نہیں۔ اپنے دفتر وچ پرچاکاراں نال گل بات کردے ہوئے قیصر ثناءاللہ خان نے آکھیا کہ ایس ملک دا کیہ حشر ہو رہیا اے ایہ ویکھ کے دل وی خون دے اتھرو رو رہیا اے۔ اوہناں نے آکھیا کہ پاناما کیس ایس ملک دے مستقبل دے حوالے نال اہم سی پر جدوں اوہدا فیصلا آیا تے یقین ہوگیا کہ ایس ملک وچ وڈے لوکاں تے وڈے ڈاکوواں نوں کوئی نہیں پُچھ سکدا۔